Tiramisu for us
我地用左五年時間不斷打磨整tiramisu嘅手藝、不斷試伏，終於俾我地試到最能夠滿足到我地對tiramisu一切嘅期望嘅配方。希望將我地最愛嘅甜品以最好嘅狀態呈現比大家。
素材輪播
常見問題
Q：點解我嘅Tiramisu賣得咁平？係咪用平價材料？
A： 因為我唔做精緻造型蛋糕、唔接私人訂製、亦都唔做節日單，慳返好多時間、人工、包裝同設計成本。
材料雖然唔係話頂級最貴嗰種，但一定係我反覆試過，整出嚟味道、口感最符合我心目中好食嘅Tiramisu嘅材料。
其他IG shop賣得貴絕對有道理，我見證著佢哋好用心機做每一個有儀式感、有紀念價值嘅蛋糕，嗰份手工同心思絕對值得呢個價。
我暫時冇呢份心思同能力去做精緻訂製款，所以我只專注做好味道純正、性價比高嘅Tiramisu俾大家。
Q：我想落單呀！請問購買流程係點樣？
A： 好簡單！跟住以下呢幾步就可以：
- 喺網站揀好心水產品然後落單。揀埋你想「送貨」定係「自取」
- 手動付款： 落單之後跟住指示付款
- 我哋收到款項就會確認訂單，然後會Send一封有Google Form連結嘅確認信Send去你 Email
- 點入條 Google Form 揀返最理想嘅送貨或取貨日期啦！(會盡量滿足~)
- 最後當你Email收到訂單準備好之後就可以帶住封Email去攞貨啦！
💡 溫馨小提示： 入數嗰陣，記得喺備註寫返你個單號，咁店主就對得快好多！**如果揀咗送貨，訂單準備好嘅Email會有快遞單號**
Q：有無最低消費？
A： 全單最低消費 $100蚊
Q：你哋接受邊幾種Payment？
A： 我哋目前接受三種付款方式：
- PayMe
- 轉數快 (FPS)
- 銀行轉帳
Q：點解我入完錢仲未收到 Email 揀日期？
A： 唔使急！因為店主人手對數㗎，所以可能需要少少時間。如果等咗好耐都未收到，記得 Check 下個 Spam Mail，或者直接搵我哋問下呀！
Q：啲甜品可以放幾耐？
A： 可以參考以下嘅時間&做法
曲奇：
- 常溫7日 冷藏1個月
- 建議用微波爐加熱20秒/
- 焗爐/氣炸鍋 150度 5分鐘
Tiramisu：
- 冷藏3日內食完
Q餅：
- 常溫可放置7日